*وبلاگ طایفه کاله*
|
ادامه شعراختلافات میان دو خان هفت لنگ دورکی و بهداروند تاریکی دَم سحر اسب گالِنیده دورکی زِ اندِکا زونی بُریدِه نال اسب گیرنیکُنِه به راک دیرَو دورکی زِاندِکا شَو نیکُنِه خَو چارسُوارچی گُنج شیررَهدِن مِنِه تَش صیدال بک ومندنی فرهاد وجونبخش چادِرامون زیدِه بین به پاچِه عباس قدارِه کَج بسته بین زِرگان چپ وراست چادِرامون زَیدِه بین به دِزاسدخون غُلامون به نَعش نشسته بین خان به نِیاسون سَر دِز سَیل ایزَنُم دیرَو دیارِه زَحم دار تَرک نظر بورچال سُوار وَی زَحم دارتَرک نظرتیرخَردِه به رونِس نَدونُم خان زَیدِسِه یا غُلامونِس دولَکی لَکِ مُنار مُردُم زِسَرما سَرُمِه زِپُشت بُرید چپ کور گَرما دولَکی لَک مُنار لَکِس هَوایِ شاهمراد سَرُمِه مَبُر تا خان بِیاهِه زَهرِمار کِلِنه کَند اَو شورِ تَنی بهداروند زِاندکا مُنارِ رُمنید مایون بورعلی تکی زِجا وُرِستا زین به دَروازه زَید به دِز نَواستا سَردِز سَیل ایزَنُم هوا پسینِه زَحم دار به سَراسب هالوم مَسیِ اسب مَنگولی مَنگولِس ستاره چی طِلا بِرچ ایزَنِه مِنِه قَداره ستاره خالَک طِلا دُری به گوشِس بُردِسِ شا کلبلی تَرسُم فروشِس ستاره خالَک طِلا دُری به ناسِ بُردِسِ شا کلبلی واپُشت نَداسِ نَه زِ تخم اسدُم بَلکُم بمیرُم صد سُوارگَردِن زَنُم جا طفل شیرُم نه زِتخم اسدم نه زِذاتِ طهماسب تیغ به ریم نیکَشُم تا روزبازخواست گَرخدا نصرت بده دَو یا بِدَستم ستارِه نِ بِوَنُم به ترک اسبم گَرخدا نصرت بده دَو یا به شُونُم ستاره نِ بِوَنُم به ترک مونُم(مایون) زُلف سُهرجنگ نیکُنه قَوا کَمرچین چوقایی صیدالِ زَی دَرگشت مِنِ زین آمندنی کُلَه کَزی پیشتَو فَرنگی چی عاشو لِرِه خورِه به مِنِ اُردی خوسِ زَیم اسبس زَیم،زَیم هردو دستس/ دورکی صیدالِ کُشت زین زَی به اسبس غرق آبیم مِنِ سُوارمُشکل بَرُم جون دست سختی شوندُمِه به کلبلی خون دست سختی شوندُمِه به خان دیرَو وَندُم به شا کلبلی به تیر پیشتَو آمندنی کُلَه کَزی پیشتَو به دستِس وندِسِه به شا کلبلی زَی هردودستِس جلکون خبر رسی جنگ وست به دیرو آ مسی به نی اکشه مندنی به پیشتو
|
About
Archivesارديبهشت 1396خرداد 1394 شهريور 1392 مرداد 1392 تير 1392 خرداد 1392 AuthorsحمیدLinks
ابزار وبلاگ
SpecificLinkDump
کاربران آنلاين:
بازدیدها :
| |||||||||||||||
خبرنامه وب سایت:
آمار
وب سایت: